أحســاس رهيـــب

إحساس رهيب
لما تحب فى دنيا
الحب فيها ..
شيئ غريب

إحساس رهيب
لما تقضى العمر كله
وأنت مستنى ..
طيف الحبيب

إحساس رهيب
لما يعدى العمر .. ويسيبنا
ويا شوق ..
ولهفة وأنين

إحساس رهيب
أنك فى  يوم
تلاقى الحب ..
يمسح دموعك
يسكن ضلوعك
يحضنك  .. بلهفة وحنين
ويومها تلقى
جدار رهيب ..
تلقى بينك وبين حبيبك
جدار رهيب ..

إحساس رهيب
لما نفسك تبقى نسمة
تحضن بشوقها ..
عيون الحبيب

إحساس رهيب
لما تبقى قريب قوى
وانت فى الواقع ..
بعيد

يبقى نفسك تسعده
بحضن قلبك
يبقى  نفسك توهبه
روحك وعمرك
يبقى نفسك تلاقيه
طول عمره جنبك

إحساس رهيب
لما تلاقيك بتحبه
 لكن ..
عشانه هو
حتفضل بعيد

إحساس رهيب
لما تقوله لازم
تنبسط ..
وأنابرضه حأفضل 
سعيد