دائــــماً ..

دائـــــماً ..
لاتمنحنا الدنيــا رفاهـــية الأختــــيار ..
وعندما تعطينا بعضاً منه ..
تجعلنا نخـــتار بين  ..
سيئ .. وأسوأ منه ..
أو ..
بين   شر نحبه .. وخير نكرهه ..



Wael
30-4-2013

يسألوننى من أنت ! Audio

مقطع صوتى

https://soundcloud.com/wael-ebrahim/ku0nculhlhnh

تُرى أسوف تنسانى Audio

مقطع صوتى 

https://soundcloud.com/wael-ebrahim/at-alex

عطراً وريحاناً ..

كونى للنفس

أنساماً ..

كونى للروح

إلهاماً ..

كونى للقلب

سكناً ..

وللأيام عطراً وريحاناً ..

Wael

ساعات بنحلم ..

ساعات بنحلم بحاجه .. أمنية .. حلم .. أمل ..

حاجة بعيدة عننا .. بنحس أنها بتفرق معانا .. 

بنحس أننا محتاجينها أوى .. 

وأننا حنكون سعداء أوى لو حققناها .. 

حلوة الأمانى.. 

رائعه الأحلام .. 

وأكيد مش حيكون للدنيا معنى لو عشناها من غير أهداف .. 

لكن .. 

لما نوقف حياتنا كلها علشان نوصل للأمانى دى ! 

لما نوقف حياتنا كلها علشان نحقق الأحلام ! 

ونحقق الاهداف !

ساعتها بتحصل حاجتين .. 

الأولى .. 

أن حياتنا بتتسرق مننا .. 

بنفوق بعد فترة علشان نلاقى العمر عدى .. 

يمكن حققنا حلمنا .. ويمكن لأ .. 

فى جميع الأحوال مش بيكون فيه عمر فاضل علشان نعيش حلمنا .. 

بيكون الوقت عدى علشان نقدر نستمتع بالأمانى الـ وصلنا لها وأصبحت ملك إيدينا ..

حتى ماتبقى من عمرنا بيكون عمر شايخ .. فقد كتير من نضارته .. وحيويته .. وانطلاقه .. وعنفوانه .. 

الحاجة التانيه .. 

الـ دايما بتحصل لنا لما بنوقف كل حياتنا علشان نوصل للأمانى والأحلام دى..

إننا بنخســرمتعه حياتنا .. 

بنفقد متعتنا حتى بالحاجات الـ ربنا عطاها لنا علشان تكون سبب سعادتنا .. 

وبنعيش حياتنا كلها بين انتظار مؤلم لسعادة مؤجلة .. 

وبين هدر مؤسف لسعادة بين إيدينا ..

سمعت كلمة مؤخراً عجبتنى أوى .. وحسيت بيها أوى.. 

كانت بتقول : 

" أن كل واحد فينا عنده مايكفيه من السعادة .. بشرط أنه يستمتع بما يملك ولا يقلق على ما لا يملك "

لو حـ ننتظر السعادة مش حـ تييجى أبداً .. 

بـ العكس .. 

الدنيا حتخلينا نتمناها .. وتبعت لنا أوهام كتير علشان نتخيل أن دى سعادتنا ..

دايماً الأوهام دى حتكون بعيدة عننا .. بس شايفينها قريبه أوى .. علشان نفضل نجرى وراها .. 

بالظبط زى السراب .. شايفينه قريب .. بس مش ممكن نوصل له أبداً ..

أو المثل التانى .. وهو الأقرب للواقع بس من غير زعل .. 

زى مايكون واحد راكب حمار.. ومعلق جزرة أمامه .. والحمار متخيل أن الجزرة قريبه .. وبيجرى علشان يوصل لها .. 

أكيد مافيش حد فينا يحب يكون حمار ! وواحد راكب علي ظهره وماسك له جزره ! 

حلوة الأمانى .. 

رائعه الأحلام .. 

شيئ مذهل أننا نحقق الأهداف .. 

بس .. لازم نعرف إزاى نعيش حياتتا ونستمتع بيها ! ونستمتع بالنعم الـ ربنا عطاها لنا .. 

ولازم يكون عندنا ثقه فى الله .. 

ثقه تخلينا لا نقلق على حاجة مش فى أيدينا .. 

وأخيراً .. 

السعادة لحظات حلوة نعيشها وسط كتير من البكا .. والتعب .. والمشاكل .. 

السعادة كلمة حلوة بنسمعها من حد بيحبنا بجد .. 

السعادة بنلاقيها فـ نبرة خوف علينا من صوت بيخاف علينا بجد .. 

السعادة دقايق غالية بنكون فيها مع صديق حقيقى ربنا رزقنا بيه .. علشان ينورلنا ضلمة الدنيا .. ويخفف عننا وحشتها .. 

السعادة ضحكة حلوة بنسمعها من ابننا .. 

السعادة لمعه فرحة بنلاقيها فى عيون بنتنا ..

السعادة إحساس بالدفا بنحسه وسط عيلتنا .. 

السعادة حضن مريح بنستخبى فيه لما بنكون مع أمنا .. 

السعادة إحساس بالامان لما بنكون خايفين .. ونبص حوالينا نلاقى زوج أو أب بيحبنا .. 

السعادة إحساس بالسكينة بنحس بيه لما نلاقى زوجة بتفنى علشان خاطرنا نفسها .. 

وأكبر سعادة لما تقسى علينا الدنيا اوى .. ونسجد .. فنلاقى ربنا بيمسح بحنان على قلبنا .. نلاقي ربنا بيقولنا أنا معاكم .. ويريح قلبنا .

       Wael

16 April 2013       

بعض الذكريات

بعض الذكريات مثل الحلي ..

بعضها ..
كمعدن زائف .. لا تتحمل قشرته الرديئه زحف الزّمان ..
فلا نلبث أن تتهاوى قشرته .. فيزول بريقه .. ويخبو جماله ..
ويظهر كم هو رخيص !

والبعض الآخر ..
 كمعدن أصيل .. كلما مر عليه الزمان إزداد بريقا و لمعانا ..
وأظهر كيف أن جوهره نفيس !

Wael

الأهتمام ..

الإهتمام وقود الحب ..

وما يحمله لنا  ..

شغف النظرات .. ولهفة النبرات ..

أكثر بكثير ..

مما تحمله آلاف الكلمات .. 

Wael

ياحلم العمر ..

ياحلم العمر 

تمهل ..
ماعاد فى القلب
متسع ..
طول الصبر 
أنهكنى ..
كثيرالوهم 
أربكنى ..
وأنتظارك أصابنى 
بالسقم ..
صرت بعينى محض
 سراب ..
وصرت أنتظر
العدم ..

Wael

وحشة وغربة

أحياناً نحتاج أن نختبأ بين الناس .. نندس بينهم .. لعل وهج أنفاسهم ودفء مشاعرهم تذيب جليد قلوبنا .. لعلنا نشعر بالأنس بينهم .. ونقتبس بعضاً من بسمات شفاههم وبريق عيونهم .. لعلنا ننسى البرد الذى يحتوينا والغربة التى تأوينا .. وماهى إلا لحظات قليلة .. نشعر بعدها أن غربتنا تزداد .. وبردنا يشتد قسوة .. وقلوبنا تنهشها الوحشة ..

فنعود من جديد الى ركن بعيد .. مظلم .. بارد .. نسترجع فيه الذكريات .. ونموت فى صمت .. ولانقوى حتى أن نزفر الآهات ..

Wael 

عذراً حبيبى

عذراً حبيبى ..

ماعدت أحتمل المزيد .. 

عذراً حبيبى .. 

لا أرغب فى موت جديد .. 

عذراً .. 

فموت اليوم أرحم .. 

من حلم جديد ..

 Wael

الحرمان

أصعب من الحرمان ..

هو أن تتمناه ..

حين تتمنى أن تكون بلامشاعر مرهفة ..

بلا قلب نابض .. 

 حين تتمنى أن تعيش جامداً .. 

بلا حياه .. 

Wael